RAIS SAMIA ATAKA USIMAMIZI MZURI WA ARDHI.

ZANZIBAR

Mhe. Rais  Dkt Samia Suluhu Hassan ameziagiza kamati kukutana kwa ajili ya upangaji, usimamizi na utawala bora wa ardhi ikiwa ni hatua madhubuti ili kuepusha migogoro ya ardhi siku zijazo.

Mkuu huyo wa Nchi ametoa agizo hilo (Jumamosi, Agosti 24, 2024) mjini Zanzibar, wakati akizindua miradi mbalimbali ya maendeleo kuelekea kilele cha Tamasha la Kizimkazi 2024 na kusisitiza kuwa hatua hiyo ni muhimu katika wakati huu ambapo nchi inatarajia kuingiza  wawekezaji kwa wingi.

“Kizimkazi inazidi kukua. Popote unapopita unaona miradi ya ujenzi inaendelea, na nina dau kwamba baada ya miaka mitatu hadi minne, mahali hapa patakuwa mji kamili,” Rais Samia amesema.

“Najua tumejaribu wakati fulani kupanga na kupima maeneo yetu, lakini kwa kuangalia kasi tunayokwenda sasa watu wengi watakuja kutafuta ardhi kwa ajili ya uwekezaji, Kwa hivyo, tunapaswa kuangalia kwa makini maeneo yaliyopangwa,” Dkt aliongeza.

Wakati huo huo, Mhe Rais Dkt Samia amezikumbusha kamati za mipango kutenga ardhi kwa ajili ya mazishi, akisema, “Mara tu siku zetu za kuishi duniani zikifika mwisho, hatupaswi kukosa mahali pa kukaa. Hakikisha mmehifadhi kipande cha ardhi ambacho kitatumika Mungu atakapotuita,” amesema.