DKT SAMIA ASISITIZA UWEKEZAJI WA KIMKAKATI

ARUSHA

Mhe. Rais Dkt Samia Suluhu Hassan amesisitiza watendaji kusimamia  uwekezaji wa kimkakati, usalama wa chakula na kuzingatia upya usimamizi bora wa taasisi za umma. (kauli hii imekuja kama sehemu ya juhudi zinazoendelea za utawala wake za kukuza ukuaji wa uchumi na kuhakikisha ustawi wa muda mrefu kwa taifa).

Akizungumza Mkoani Arusha katika ufunguzi wa kongamano la pili la Wenyeviti wa Bodi za Wakurugenzi na Watendaji Wakuu wa Taasisi za Umma jijini Arusha Agosti 28, Dkt Samia amesisitiza usalama wa chakula kuwa ni eneo muhimu kwa uwekezaji.

Akitoa mfano wa mradi wa Kiwanda cha Sukari cha Mkulazi unaotekelezwa na Shirika la Taifa la Hifadhi ya Jamii (NSSF) kwa kushirikiana na Shirika pekee la Magereza (PCS), Mkuu huyo wa Nchi amesema ushirikiano huo unahakikisha upatikanaji wa bidhaa muhimu kama vile sukari hata katika nyakati ngumu.

Aidha Dkt Samia amezitaka taasisi kuangalia upya mipango mkakati na kushirikiana katika maeneo yanayoweza kuingiza fedha za kigeni kwa haraka, hivyo kuifanya Tanzania kuwa nchi yenye nguvu zaidi katika uchumi wa dunia.