DKT SAMIA AIFANYA TZ YA KWANZA MFUKO WA DEEP
DAR ES SALAAM
Tanzania imechaguliwa kuwa nchi ya kwanza kuangazia Takwimu na Ushahidi kumaliza Mfuko wa Changamoto za Umaskini Uliokithiri (DEEP) kutokana na juhudi za serikali ya awamu ya sita za kupunguza umaskini na hitaji la ushahidi wa utafiti na mabadiliko ya sera.
DEEP ni muungano wa utafiti unaolenga kujenga ushahidi, maarifa na masuluhisho ili kusaidia kumaliza umaskini uliokithiri duniani kote.
Akizungumza wakati wa uzinduzi wa DEEP Tanzania Challenge Fund Mkurugenzi wa Ofisi ya OPM Tanzania nchini, Dk Charles Sokile amesema kuwa Tanzania kwa sasa inaendelea na mpango wa maendeleo unaolenga kuchagiza mustakabali wa nchi na kutatua baadhi ya changamoto zinazoikabili.
"Tunazindua Mfuko mpya wa DEEP Challenge Fund kusaidia watafiti nchini Tanzania ili kukidhi hitaji hili la ushahidi, na hatimaye kuboresha maisha ya watu wanaoishi katika umaskini," amesema Bw Sokile ambaye pia ni mwenyekiti mwenza wa Kamati ya Uongozi ya Kitaifa ya DEEP.
Aidha Deep inaongozwa na Usimamizi wa Sera wa Oxford (OPM) kwa ushirikiano na Kundi la Data za Maendeleo la Benki ya Dunia na inafadhiliwa na Ofisi ya Mambo ya Nje, Jumuiya ya Madola na Maendeleo ya Uingereza(FCDO).
