JE WAJUA DKT SAMIA AMESAMEHE USHURU WA FORODHA NA VAT KWENYE KILIMO
TANZANIA
Mhe Rais Samia ili kuweka nguvu kwenye kuinua sekta ya kilimo nchini kwwa vitendo alisamehe ushuru wa forodha na VAT kwenye zana na teknolojia za kilimo zinazotumika katika sekta hiyo kuanzia matrekta, vifaa na sehemu za umwagiliaji.
Vile vile, VAT iliyosamehewa ni pembejeo za kilimo, ikiwa ni pamoja na mbegu, miche, vipandikizi, mbolea, dawa, dawa za kuua wadudu, viua kuvu, vidhibiti ukuaji wa mimea na mawakala wa kibayolojia.
Vifaa vya kufungashia mbegu za kilimo vilipewa msamaha wa ushuru wa mwaka mmoja ikiwa ni pamoja na malighafi ya kutengeneza masanduku ya bati kwa ajili ya kusafirisha mazao ya bustani nje ya nchi.
Nyenzo za ufungashaji kwa bidhaa za kuuza nje pia haziruhusiwi kutozwa ushuru wa forodha.
Aidha mara zote Mhe Rais Samia anahimiza ushirikiano kati ya mashirika ya serikali, taasisi za utafiti na makampuni binafsi na anawekeza kwa kiasi kikubwa katika utafiti na maendeleo ndani ya sekta hiyo ili kupata mazao yenye mavuno mengi, yanayostahimili magonjwa na kuinua tija kwa wakulima wa Tanzania kwa ujumla.
Hivi sasa Tanzania imeshuhudia mabadiliko ya mtazamo kuelekea kilimo rafiki kwa mazingira, ikiwa ni pamoja na kilimo hai na mipango ya kuhifadhi maji, ili kuhakikisha kilimo kinaifanya nchi kuwa kinara wa kimataifa katika kilimo kinachowajibika.
