“LOWASSA ALIKUWA MWANASIASA MWENYE KANUNI” RAIS SAMIA

 

“LOWASSA ALIKUWA MWANASIASA MWENYE KANUNI” RAIS SAMIA

ARUSHA

Rais wa Jamhuri ya Muungano wa Tanzania Dkt Samia Suluhu Hassan amesema Hayati Edward Lowassa alikuwa mwanasiasa mwenye kanuni na uthubutu aliyewaongoza vijana wengi katika siasa, huku akibainisha uwezo wa Waziri Mkuu huyo wa kusimama na imani yake bila kuwadharau wengine kama moja ya mambo matatu muhimu ambayo Watanzania wanapaswa kuyapata kutoka kwa Hayati Lowassa.

Mhe Rais Samia ametoa sifa hizo wakati wa hafla ya mazishi ya  waziri mkuu mstaafu Lowassa yaliyofanyika jijini Arusha (Jumamosi) tarehe 17, februari 2024

Dkt Samia amesema sifa kuu tatu za kuigwa kwa Hayati Waziri Mkuu Edward Lowassa, ni uwezo wake wa kusimamia misingi yake bila kutumia lugha za matusi au udhalilishaji, ambazo aliziona kuwa muhimu kwa nchi yenye mafanikio.

Aidha Mhe. Rais Samia amegusia hatua ya Lowassa kuhamia CHADEMA, ambako aligombea Urais bila kuibua udhaifu wao, matusi au kueneza uongo.

“Lowassa alilelewa ndani ya chama cha CCM. Hata hivyo, alipoamua kujiunga na chama kingine, aliendelea kutetea sera zake na kueleza mawazo yake bila kutumia matusi, kejeli, au uongo juu ya mtu yeyote. Hata aliporejea CCM, alijizuia kuwasema vibaya wapinzani,” Amesema Rais Samia.

Dkt Samia ameongeza"Kuna somo muhimu la kujifunza hapa kuhusu umuhimu wa kushiriki katika mijadala yenye kuheshimiana, kuvumiliana, na siasa zinazokuza maendeleo. Hii inadhihirisha ukomavu wa hali ya juu wa kisiasa na ni mfano mzuri ikiwa tunalenga kumuenzi Lowassa.”

PUMZIKA KWA AMANI KIONGOZI MAHIRI

#EdwardLowassa